Lüüsbüebu
2007 / 2008
Singles

Unterhaltungsmusik meets Punkrock as its best!


Recorded at dB musicLAB at Naters
Mastered by Bümi
Produced and mixed by Lüüsbüebu

Mehr Infos zu den Lüüsbüebu gibt es auf der offiziellen
Lüüsbüebu Homepage.

 

1. Di Beschtu   Video Clip  
2. Lüüsbüeb      
3. dr Ledl chunnt   Video Clip  
4. Natersch miis Derfji      
5. Laftinomeh      
6. Ich hä Durscht      

 

 

 

Texte

1. Di Beschtu

D' Füessball Wält isch niidisch
will d'EM hiir bi iisch isch
Wier lade alli i
und gäh mit Freid ab dri
ob Zürich oder Basl
ob Bäru oder Gänf
wier singe und wier tanze
ässe Bratwurscht mit Senf
an iischum tollu Füessballfäscht
zämu mit de Gäscht

Wier sii alli da
die tie wer schlaa
Hopp Svizzera
In iischum eignu Land
da sii wer en Gigant
Ob Nordu oder Südu
Ob Oscht oder Wescht
eis das isch klar
We are the Bescht

Jolololololololololololololo

Iischi Mannschaft di isch starch
und wier sorge fer di Krach
so dass iischi Heldu
z'Läder ins Netz tient chnellu
die Gägner die sind öi nit schlächt
aber in einum heiwer rächt
der beschti zwelfti Maa
der het rot wiis a
der steit ginau hie
und hie und hie

Wier sii alli da
die tie wer schlaa
Hopp Svizzera
In iischum eignu Land
da sii wer en Gigant
Ob Nordu oder Südu
Ob Oscht oder Wescht
eis das isch klar
We are the Bescht

Jolololololololololololololo

Iische Köbi National
dass wissunt alli isch genial
der Goalie isch der Hammer
d'Verteidigung en Wand
z'Mittlfäld der Knaller
und der Sturum en Garant
so chenne wier nur gwinnu
und darum tie wer singu
Hopp Schwiiz vor
Wier schiesse no es Tor

Wier sii alli da
die tie wer schlaa
Hopp Svizzera
In iischum eignu Land
da sii wer en Gigant
Ob Nordu oder Südu
Ob Oscht oder Wescht
eis das isch klar
We are the Bescht

Jolololololololololololololo

Wier sii alli da
die tie wer schlaa
Hopp Svizzera
In iischum eignu Land
da sii wer en Gigant
Ob Nordu oder Südu
Ob Oscht oder Wescht
eis das isch klar
We are the Bescht

 

 

2. Lüüsbüeb

Ich hä alls üsprobiert
und fascht alls konsumiert
wa friener verbottu isch gsii

Ich hä z’Töffji frisiert
und öi Meitjie verfiert
bis am Morgu im Üsgang gsii

Wie schön
isch die Zit friener gsii
Wanich no en Lüüsbüeb bi gsii
Wie schön
chas öi hittu no sii
solangi en Lüüsbüeb darf sii

Gah d’Schwigri ga bsüechu
und bringra en Chüechu
wa scho lang nimme güete cha sii

Der Chef faht a flüechu
bi Ferie ga büechu
und frägu eerscht jetzu fer frii

Wie schön
isch die Zit friener gsii
Wanich no en Lüüsbüeb bi gsii
Wie schön
chas öi hittu no sii
solangi en Lüüsbüeb darf sii

Wie schön dasi friener en Lüüsbüeb bi gsii
Wie schön dasi immer no en Lüüsbüeb cha sii

 

 

3. Dr Ledl chunnt!

Ich gah in miini Stammbeiz und ich bschtellu mier es Tee.
Ich triichu niemals meh es Bier, das git mier nur Grindweh!
Da geit die Porta pletzli üf, dr Ledl chunnt icha,
der Cello und alli andru öi - jetz faht das wieder a:

Wier fäschte iischi Fäschti, der Wirt der macht öi mit,
wier näschte iischi Näschti, hina wieder nit!
Wie läschtig sind die Fäschti, we mu fasch nimme mag.
Doch fäschte wier die Fäschti - jede Tag!

Doch hientamal am Maabu wellti ich eifach miini Rüeh.
De bliib ich deheimu, schliessu miini Porta züe.
Da pletzli geit miis Feischter üf, dr Ledl lüegt icha,
der Cello und alli andru öi - jetz faht das wieder a:

Wier fäschte iischi Fäschti, der Nachbüür macht öi mit.....

Ich brächu mier der Tschaagu und ich liggu im Spital.
Jetz brüüch ich nimme z’fäschtu ja das weiss ich ganz genau.
Da pletzli geit die Porta üf, dr Ledl chunnt icha,
der Cello und alli andru öi - jetz faht das wieder a:

Wier fäschte iischi Fäschti, der Dokter macht öi mit.....

Jetz bin ich im Himmul und tüe d’Himmulsporta züe.
Ich wärdu niemeh fäschtu - jetz hän ich endlich Rüeh!
Da geit die Himmulsporta üf, der Ledl chunnt icha,
der Cello und alli andru öi - jetz faht das wieder a:

Wier fäschte iischi Fäschti, der Petrus macht öi mit,
wier näschte iischi Näschti, hie obina öi nit

Wier fäschte iischi Fäschti, alli mächunt mit

 

 

4. Natersch, miis Derfji

Zwischum Simplon und der Belalp, da lits.
We mu will, öi zwischu Birgisch und Bitsch.
Da wa der Chelchbach ds Wasser in du Rottu treit,
wa der Aletschgletscher ds’Ändi geit.

Natersch, miis Derfji, am Rottustrand.
Mu griesst schich immer, mu kennt halt enand.
Hie läbunt wirklich no urchigi Lit.
Wies suschter nummu sältu no git!

Natersch, miis Derfji, dü bisch voll Gägusätz.
Halb Stadt, halb es Derfji, hie bin ich sicher nit lätz!
Natersch, chleis Derfji,
und doch so gross wie en Stadt.
Doch hoffuntli blibsch es Derfji,
susch wäris wirkli sinduschad!

D’Alterssidlig, näbum Chindergartu züe.
Im altu Derfji, ja da findusch no Rüeh.
An der Furkastrass, da rollt der Vercheer,
Jahr fer Jahr es bizji meh.

Super-Discount-Lädu, en alte Konsum,
uberall träffunt schich Alt und Jung.
Bim Beihüüs merksch, das ds’Läbu vergeit.
In de Beize gschpirsch no Läbunsfreid!

Natersch, miis Derfji, dü bisch voll Gägusätz.
Halb Stadt, halb es Derfji, hie bin ich sicher nit lätz!
Natersch, chleis Derfji,
und doch so gross wie en Stadt.
Doch hoffuntli blibsch es Derfji,
susch wäris wirkli sinduschad!

 

 

5. Laftinomeh

Am Mäntag häni Üsgang kä- äs het mi zimmli gleit
ich fahru mit dum Auto heim, will löifu nimme geit.
da steit en Charru uf dem Platz wa suschter miine steit.
Ich wecku miini Fröi und frägu ob schii das versteit.
Miine Parkplatz der ischt volle da het schii zumer gseit:

Laftinomeh, dü gsehsch ja nix meh, dü müesch fasch blinde sii
das isch doch nur die Pussett vam Mämmi vis-a-vis
Nei ich süechu gar kei Krach und strittu will ich nit
aber en Pussett mit mu Schiebedach, nei das bigriifi nit.

Am Ziischtag wani heim bi cho , hän ich en Chischta käh!
So en Mantul hangut amne Stüel wieni keine hä!
Är isch mier öi nit gangu ich hänu aprobiert
ich wecku miini Fröi und frägu ob schi das kapiert,
en främde Mantul uf dum Stüel da het schii reklamiert:

Laftinomeh, dü gsehsch ja nix meh, dü müesch fasch blinde sii
das sind doch nur die Windle, vam Mämmi vis-a-vis
Ich müess gottlos glaffne sii und strittu will ich nit
aber Windle mit vill Täsche dri, nei das bigriifi nit.

Vam Mittwucham Aabu weissi nix äs chunnt mer nix meh zii.
Ich weiss numma dassi mit der Fröi im Strit bi gsii
Ich hä nämmli ira gseit dass ich kei Röiker sii
und doch ligt en Riesustumpu uf miinum Nachttischji
das siige mier es Rätsul - als Antwort da seit schii:

Laftinomeh, dü gsehsch ja nix meh, jetz müesch erblindut sii
das isch doch nur es Nuggi, vam Mämmi vis-a-vis
Gliich was dandru deichunt doch strittu will ich nit
aber Nuggini wa Röichunt, nei das bigriifi nit.

Am Donschtag und am Fritag bini zimmli spat ins Näscht
Am Samstag häni sowieso es luschtigs Riesufäscht.
Wani heim zer Fröi bi cho git mier das der Räscht
Da ligt en främde Maa mit miiner Fröi im Näscht
und miin Fröi die seit mier no: weck nit iischi Gäscht!

Laftinomeh, dü gsehsch ja nix meh, jetz müesch dü blinde sii
das isch doch nur das Mämmi, var Wohnig vis-a-vis
Strittu ischt nit miini Art , aber dizmal glöibis nit
es Mämmi mit me Vollbart, nei das bigriifi nit.

 

 

6. Ich hä Durscht

mu cha im Fernseh
nummu no Chrieg gseh
äs git kei Fridu meh uf discher Wält
sisch himmultrürig
de liit geits grüsig
vill Sorge und Schulde und kei Rappu Gäld
und ich hocku im Zimmer
mier geits no schlimmer
will mier zallerwichtigsta im Läbu fählt

ich hä Durscht

niemer gseht mier a
wenn ich durschtig bi
jede lüegt mier na
wennich glaffne bi

wenn ich trichu cha
Bier und no meh Wii
de faht der Nahtag a
der Durscht geit nie verbii
ich hä Durscht

was in der Zitig Steit
das macht ganz sältu Freid
mu lisst fa Eländ und fa grosser Not
vili miessunt liidu
sind nit zbiniidu
keis süübers Wasser und kei Schnitta Brot
vill Liit heint Hunger
mier geits no tummer
verdurschtu wär der aller schlimmschti Tod

ich hä Durscht

Jololo

ich hä Durscht

 

 

 

 

We use cookies
Wir nutzen Cookies auf unserer Website. Einige von ihnen sind essenziell für den Betrieb der Seite, während andere uns helfen, diese Website und die Nutzererfahrung zu verbessern (Tracking Cookies). Du kannst selbst entscheiden, ob du die Cookies zulassen möchtest. Bitte beachte, dass bei einer Ablehnung womöglich nicht mehr alle Funktionalitäten der Seite zur Verfügung stehen.